عمرى ما كنت أتخيل يوم
أقف أدامك و أنا مظلوم
طول عمرى بأعيط على المظاليم
الليلة.......
أنا بين ايديك مظلوم...
مذهول.......
بكلام حتى الكدب
حزين جواه
بكلام جارح
فى نهار بيصوم
و ازاى فى الخمسة بيقابلوك؟
و ازاى قلب بيكدب يسجد بخشوع؟
و ازاى ايد الباطل بتسبح ليك؟
و ازاى بيناموا بليل؟ بيخبوا ضميرهم فين؟
و ليه خايفين من النظرة فى عينى؟
أصل ديه عين الحق...بتفكرهم بالذنب؟
و ازاى ريحة القسوة
من واحد كان غالى عليك
بتعدى أميال فى النيل
و تصلى معاك
على راجل مات جواك
على واحد وقع من نظرك
و اتفتت فتافيت
ظالم الانسان
و ازاى ظالم؟
ازاى واحد حبك
يطلع أول واحد خاين؟
و ازاى الحب بيقدر يسكت عالحق
الا لو كان زايف؟
و ازاى الناس مش شايفة
أكبر نوع مالفقر؟
فقر أليم فى الأخلاق......فقر ضماير
فقر النور فى عروق الدم
فقر فى كل أديان الروح
فقر مميت للحب
لولا رسولى
ما كنت قدرت
لولا الهادى
ما كنت أنا عشت
لولا وجودك جوايا
ما كنت رضيت و صبرت
لولا يقينى بعدلك
لولا ايمانى بنصرك
ما كان سكت جوايا
نزيف الجرح
على حقى المهدرو
على انسان بيهون
جوا قلوب
بتبيع الصدق بلاش
خدنى يا ربى
فى حضنك خدنى
خدنى جوا حماية قلبك
الدنيا بقت بيت للرعب
أشباح و وحوش
و ستات بمخالب و دقون
رجالة راكبهم عفاريت
بتخون و تخاف
و تعيش عالجبن
حتى الكدب و حتى الظلم
تعبوا من كتر الشغل
مظاليم الدنيا كتير
و مساجين الدنيا أكتر
و طوبى للغرباء
و أنا برضه مالخير أعذر
لولا قلبى النابض بيك
لولا عملى الخالص ليك
لولا يومى المظبوط
على قبلة نورك...يا معز
....ما كنت واصلت
يا ربى...
أنا كل مسامى بترجف
أنا كل كيانى بيصرخ
مهما بأحاول أركز
بألقى ذنوب الناس حواليا
تتطلعلى من تحت الأرض
تتطلعلى و تحارب فيا
و أنا ايه غير
عبد بيعبد فيك
و مسيره فى يوم
كان له ذنب
ربى أنا بأشكى اليك...
و لمين غيرك
أنا هأشكى الهم
و ايديا بروحى واصلين..
ياااارب
اغفر ليا و ليهم أى ذنوب
اغفر كل ذنوب الخلق
ارحم كل قلوب الناس
و اهدى اليك أرواح الحب
ربى أنا راضية بقدرى
و منايا ترضى عليا
يا عالم كل أسرار الكون
انت العالم بيا
يا ربى أنا ايه ادامك دلوقتى؟
غير دعوة مغلوب على أمره
غير دعوة مظلوم ما هتترد
أقف أدامك و أنا مظلوم
طول عمرى بأعيط على المظاليم
الليلة.......
أنا بين ايديك مظلوم...
مذهول.......
بكلام حتى الكدب
حزين جواه
بكلام جارح
فى نهار بيصوم
و ازاى فى الخمسة بيقابلوك؟
و ازاى قلب بيكدب يسجد بخشوع؟
و ازاى ايد الباطل بتسبح ليك؟
و ازاى بيناموا بليل؟ بيخبوا ضميرهم فين؟
و ليه خايفين من النظرة فى عينى؟
أصل ديه عين الحق...بتفكرهم بالذنب؟
و ازاى ريحة القسوة
من واحد كان غالى عليك
بتعدى أميال فى النيل
و تصلى معاك
على راجل مات جواك
على واحد وقع من نظرك
و اتفتت فتافيت
ظالم الانسان
و ازاى ظالم؟
ازاى واحد حبك
يطلع أول واحد خاين؟
و ازاى الحب بيقدر يسكت عالحق
الا لو كان زايف؟
و ازاى الناس مش شايفة
أكبر نوع مالفقر؟
فقر أليم فى الأخلاق......فقر ضماير
فقر النور فى عروق الدم
فقر فى كل أديان الروح
فقر مميت للحب
لولا رسولى
ما كنت قدرت
لولا الهادى
ما كنت أنا عشت
لولا وجودك جوايا
ما كنت رضيت و صبرت
لولا يقينى بعدلك
لولا ايمانى بنصرك
ما كان سكت جوايا
نزيف الجرح
على حقى المهدرو
على انسان بيهون
جوا قلوب
بتبيع الصدق بلاش
خدنى يا ربى
فى حضنك خدنى
خدنى جوا حماية قلبك
الدنيا بقت بيت للرعب
أشباح و وحوش
و ستات بمخالب و دقون
رجالة راكبهم عفاريت
بتخون و تخاف
و تعيش عالجبن
حتى الكدب و حتى الظلم
تعبوا من كتر الشغل
مظاليم الدنيا كتير
و مساجين الدنيا أكتر
و طوبى للغرباء
و أنا برضه مالخير أعذر
لولا قلبى النابض بيك
لولا عملى الخالص ليك
لولا يومى المظبوط
على قبلة نورك...يا معز
....ما كنت واصلت
يا ربى...
أنا كل مسامى بترجف
أنا كل كيانى بيصرخ
مهما بأحاول أركز
بألقى ذنوب الناس حواليا
تتطلعلى من تحت الأرض
تتطلعلى و تحارب فيا
و أنا ايه غير
عبد بيعبد فيك
و مسيره فى يوم
كان له ذنب
ربى أنا بأشكى اليك...
و لمين غيرك
أنا هأشكى الهم
و ايديا بروحى واصلين..
ياااارب
اغفر ليا و ليهم أى ذنوب
اغفر كل ذنوب الخلق
ارحم كل قلوب الناس
و اهدى اليك أرواح الحب
ربى أنا راضية بقدرى
و منايا ترضى عليا
يا عالم كل أسرار الكون
انت العالم بيا
يا ربى أنا ايه ادامك دلوقتى؟
غير دعوة مغلوب على أمره
غير دعوة مظلوم ما هتترد
ليست هناك تعليقات:
إرسال تعليق