شكراً و حمداً لله
الصحاب و الحبيب ..الأفراح و الأمسيات..و القعده الحلوه...و زنقة الاجتماعات....الزحام حر صيفا أو ممطر شتاء..
الهدوء نسبي..نفسي..خارجى..داخلى...و كل أصناف الطعام و أهمهم طعم الكلام فى فنجانين المزاج....وطعم التجارب و الذكريات...الحضن حاجه أم عطاء...الشعر لما يخلق للمعانى معنى تانى و لما يرسم بُعد رابع لملامح الحياه...أجراس الكنايس و صداها جوا القلوب..تكبيرة المآذن فى النداء للحى على الصلاة....والصلاة بشمعه...أو سجودا بالقلب أو مناجاه...و صوت اليمام...و صوت السكون ساعة الشروق..حتى الناس اللى بتتكلم عليك..غيبتك و حزنك و اللى خاينك و اللى باعك و اللى حبك ووفالك...يأسك و أملك..دموعك و ابتسامتك....نعمه!
و النعمه رزق...كل شئ فى الحياه رزق....و كل رزق و له ميعاد زى المواسم بالأوان ...و النصيب بالاخلاص فى النيه وبالفعل فى الاجتهاد و لكل صبر جميل نصيب من الجمال....و ربك مع كل قلب صبور حليم وهاب...
كل نعمه و ليها حكمه أعمق م الحياه...تقدر تعدى بيها ما بعد أسوار الحياه....خلى ايمانك معجزه....خلى اليقين بربك فى قلبك سلاح..يقويك ع الحياة.....حرر فى نعمك تلقى اللى من حقك يجيلك..رب العباد مش راح يسيبك....حرر فى نفسك من قيود الحياة تلقى نفسك.....حُر..دَخل نور من شمس كانت أو قمر...دَخل هوا..دَخل ورود.....ودَخل نجوم...من شباك قلبك مهما الحباة عليه تجور...خليك مسامح و فى التسامح دايما كريم...و خلى عفوك مقدرة....تلقى نفسك قادر تكمل..رب العباد مش راح يسيبك...للرزق راح يرشدك...و بحبه ليك راح يسعدك...و يراضيك...
حرر نفسك بالايمان...تلقى نفسك....حُر....تلقى نفسك قادر...تفرد جناحك و تطير بين السحاب....زى حمام السلام...تدخلها سالم و تخرج منها على سلام...سلام يا رب السلام
