جوا بيوت النور
صفوف بتطول
كتف فى كتف
قلب لقلب
الروح فى الروح
كله مِسَلم
ركعة فى سجدة
و حبات سبحة
تلف تدور
تغسل وياها
نفوس بتتوب
و الشجرة بتكبر
بجذور و فروع
فيها ايمان
من جوف الأرض
للسما بيطول
و دموع الخير و الاستغفار
نازلة بتضحك
و تعمر دنيا لآخرة
جنتها العدل
فيه ضماير صاحية
فيه قلوب بتحب
و فى حضن الرحمة
اخلاصك محفوظ
و عزايم عايشة
الدنيا بتحلم
يوم بلقاك
يارب النور
يا كل النور
ليست هناك تعليقات:
إرسال تعليق