باحبك فى صوت زقزقة العصافير
فى أول ساعات الصبح
باحبك فى لون الفجر
.. باحبك فى عيون الليل الجريئة
باحبك فى طعم الشيكولاتة السخنة
فى عز البرد
و فى طعم القهوة
اللى بتظبطلى صباحى
باحبك فى القمر لما يكون بدر
باحبك فى بسمة الهلال
و الربيع و الوان فراشاته الحرة السعيدة
باحبك فى صوت فيروز اما تقول حبيتك تناسيت النوم
و فى صوت ثومة اما تقول تعالى نعيش فى عيون الليل
باحبك فى كل كلمة صادقة تمس قلبى
و فى كل لمسة تلمس روحى
باحبك فى كل ضحكة صافية و بريئة
و فى كل نبضة قلب
باحبك من غير ليه و لا علشان
باحب الحب فيك و بيك
و باحب حياتى جواك و ليك
بأحبك
من غير حسابات الزمن
و لا دقات الساعات
بأحبك و يقينى فى انى
مخلياها عالوهاب الكريم
باحبك
و حرة فى حبك مش أسيرة
بأحبك...وده الأهم
بأحبك و أى شئ تانى مش مهم
و الأهم....انى...
باحبك و بس
ليست هناك تعليقات:
إرسال تعليق