على عربية ترمس
أو على عربية فول
جوا بقاله قديمه
أو جوا محل عطاره
بيحمى عماره بسكانها
أو حارس على أرض و غيط
بيسوقلك أى مواصله
أو فكهانى عالناصيه
عم زيدان بن عم احمد
بن عم العم سمير
شخصيه مهمه فى بلدك
شخصيه ليها تاريخ
عمرك فكرت فى يوم
بيناموا فين بليل؟
طب عمرك مرة سألت
أرزاقهم عامله ازاى؟
طب عمرك اتأثرت
على عم سعيد اللبان
لما انقطع..
فى مجيته عالبيت
طب عمرك مره بكيت
لما مات البواب
أحلامك أوامرهم
و غلابه و طيبين
وأكيد فيهم انواع
بس الغالبيه العظمى
من أصل الأرض
و من اصل الطين
ليست هناك تعليقات:
إرسال تعليق