نجمتين مالسما طالين عليا
و بنور عيونهم نوروا نور عينيا
قلبى رافع ايديه بالدعا
بيدعى ليكم
فراشة طارت من جوا قلبى
شايلة الدعاوى
قابلت سحابة يتترسم
قالتلها....وصلينى
شرطى الوحيد انك تقربينى
ردت عليها قالتلها
السما كلها جوا قلبك
صدقينى
قامت الفراشة مصدقة
ضحكت و ضحك قلبها
نجمتين مالسما طالين عليا
واقفين يغنوا ويا الفراشة
غنوة تقول:
الرضا نعمة قلوب
نعمة تبان جوا العيون
و القلوب الصادقة
فيها بيوت من نور
فيها بيوت للحب
من ألف لون
وأعلى صوت فى الكلام
هو احساس الصدق فيه
اللى للأرواح سكون
ليست هناك تعليقات:
إرسال تعليق