سكات الليل...كلامه كتير
و سكات الشوق...فى القلوب
...كلامه أكتر..
و الشوق مشوار لحنين
و الشوق لحنينه نصيب
ساكن جوا قلوب...
و على قد ما قلبك يكبر
نصيبك مالشوق بيزيد
صوت السكات ويا الصحاب
من صوت السلام فى قلب الحمام
روحين بسكاتهم سكنوا فى روح واحدة
و السكات ماشي بسكات
شايل حقيقة كل اللى جاى
و اللى فات
و أنا كل ما باسكت
روحى بتكبر
كان أملى...فى حضن يسد معايا
يوفى و مايفوتنيش
كان أملى...فى حد فى سكاتى معاه
يفهمنى و ما يبعنيش...
.... ........لوحدى
و بأقول السكات أحسن
لوحدى........
باسكن على ورق الشجر الناعم
و اسافر على لون القمر الكامل
و ابدر على كون الليل اللولى
نور من روحى اليك
و ارسم عانجوم السما
مشاوير...مراسيل
و تعبت أنا مالشوق
و تعبت أنا مالمشاوير
لوحدى...
و بأقول السكات أحسن
ليست هناك تعليقات:
إرسال تعليق