طلعتلى فجأه فى المرايه
و بصتلى بمنتهى الغرور
و قالتلى بصوت عالى مسموع
"أنا الحقيقه!!
شايفه الدنيا بنص نفس
قلبك دايب متهتك فى سكة أوجاع
أحلامك مشروخه
توقعاتك مصدومه
النوم عندك اصبح حالة هروب من الأفكار
فرصة جديره..للنسيان..التناسى
و الحياه مشاهد متكرره
و سكك معكوسه
و لا سكه منهم وصلتك ليا
مع انك بقالك كتير بتدورى عليا
أنا الحقيقه الباقيه من كل اللى فات
أنا الحقيقه الصامده من زمن العجب و الخرافات!!
تحبى تتعرفى عليا؟؟؟
ليست هناك تعليقات:
إرسال تعليق