الجراح لها صوت

أول قطفة احساس فى اليوم
بأدور على حب جديد
ينسينى جرح قديم

أول دقة قلب الليلة
بتدور على قلب حنين
على قلبى التايه من غير عنوان

أول نغزة نور فى الروح
زاغت روحى فى الاحساس
بتفتش على كلمة حب قديمة
عايش جواها احساسها
ساكته..بس سكوتها أعظم قيمة

أول رنة تليفون فى اليوم
توأم روحى بتسألنى
احساسك ايه باليوم
قلتلها سكات...

أول رشفة بن محوج على فمى
فيها مُر الجرح اللى ما بأنساه
فيها طعم علامة استفهام
بتقول..أنا مش فاهماه

أول مرة بأسمع جرحى
و كل ما بأسكت فى كلامه يزيد
و كل ما بأحكى بيتقن دروه فى التمثيل
و كأن سكاته ممكن يتقاس بميعاد
و لو انه غاوى مفاجآت