بياع قلوب

بياع قلوب
داير يدور فى السكوت
يمكن يلاقى صوت سكات
غاوى شوق دايب حنين
عاشق بروحه لمسة رموش
لعيون حبيب على طرف خده
تصحى السنين متعطرين
يمكن يلاقى فى الطريق
قلب وافى حضنه دافى
حنانه انه ما فى يوم يبيع

بياع قلوب
هواها أنضف
ما كان فى كون
عيونها توزن كلام قلوب
احساسها واصل بالصدق فيه
ورقها أبيض زى السحاب
و العشق فيها مخضر عود

بياع قلوب
عاشقه حب لانه حب
عاشقه حب مش حب حاله
عاشقه حب من غير
لاخوف و لا استحاله

بياع قلوب...
فايت زمانه
ماشي بايمانه
أوتار موسيقته
جرحه القديم
من حد باعه...
اسمه برضه بياع قلوب...
و من ساعتها..
من كتر خوفه...
ليله ساقع
لوحده ماشي
لكنه واثق
فى حضن دافى
هيدفى ليله
من جرح فات
لأنه مات...
و يزيح جراحه
من عالسنين
العرقانين..
على كتف روحه..
متكسرين..
على كف ايده
اللى اشتكى
غربة.....وحيد
وسط ايدين متشبكين
على كل باب
للقلب نبضة
و فى كل خبطة
بيبان مواربة
ايدين ممدودة...يمكن
لكن مغادرة...

بياع قلوب
ماشي بدواه
للمجروحين...
واصف شفا
مع انه جرح
بيرسم بدمعه
ليالى فرح
ساكت فى صبره
وفى ربه سر

بياع قلوب
ماشي يقول
يا مين يشترى منى يا مين..
يا مين يشترى...
و لا فى يوم يبيع