الوحده

سايباك أنا تدبح الليل على غفلة
و تشرب من افكاره
سايب نفسك لوحدته
ترتوى منك و تتدلع معاه
الليل بيدبح نفسه من شوقه لنهاره
و الوحده أوحد مخاليق الحياه
لازم لها صديق للسهره
ووقت الفراق بين الأحبه

كل قلب و له باب بأقفال
و الفتح فى سر المفتاح
الحكمة أجمل ما فى عيون القدر الجرئ
و القدر عيونه غزل حكايات
يجعل لكل بيت فى القلب حدوته
مره حلوه و مر ملتوته
و لكل مناسبه لمه فى التاريخ مذكوره

على كل شباك نجمه سهرانه
قاعده مستنيه أمر الفرج مشتاقه
البيوت من غير دفا الرضا سقعانه
و من غير الصبر عريانه
و لاجل ما تدفى البيوت
لازم لها فى القلوب بيوت
بنور الحب و الايما عمرانه